Naglunsad og lain-laing mga aktibidad ang mga balangay sa Kabataang Makabayan (KM) aron saulugon ang ika-60 nga anibersaryo niadtong Nobyembre 30. Sulod sa unum ka dekada, gipataas sa KM ang bandila sa nasudnong demokrasya ug gipakaylap ang mga panawagan alang sa tinuod nga reporma sa yuta, nasudnong industriyalisasyon, kulturang siyentipiko ug pangmasa, demokrasya sa katawhan ug uban pang mga hinanaling panginahanglan sa katawhan sa Pilipinas.
Sa Metro Manila, gilunsad sa KM ang oplan pinta-oplan dikit (OP-OD) sa mga kadalanan sa nasudnong sentro. Gihimo usab kini sa KM sa PUP-Sta Mesa, sa UP Baguio, UP Diliman, UP Cebu ug sa prubinsya sa Quezon sa adlaw sa pagbisita ni Ferdinand Marcos Jr sa prubinsya niadtong Nobyembre 29. Nag-imprinta ang mga balangay og polyeto nga gibutang niini sa lain-laing bahin sa kampus sa PUP, ug UP aron mabasa sa mga estudyante.
Gitimbaya ang KM sa Partido, sa mga yunit ug kumand sa BHB, ug mga balangay sa Pambansang Katipunan ng mga Magbubukid ug Artista at Manunulat ng Sambayanan.
