Sa isa ka payag sa isa ka larangan sa Southern Tagalog, nakatipon ang pila sa mga instruktor kag ang lider instruktor sang pagtuon sa Paaralang Jose Maria Sison (PJMS). Nabatyagan nila ang pagkalangkag nga sugdan na ang pagtuon. Tatlo ka klasrum ang nagbukas sa gab-i nga ato: Ang mga estudyante matunga sa Sandigan nga Proletaryong Panindugan, Panglantawan sa Rebolusyon, Ekonomiyang Pangpulitika kag Imperyalismo.
Sa sulod sang mas o menos duha ka bulan, nangin kinaandan nga hitabo ini sa kada base sang isa ka yunit sang Bagong Hukbong Bayan (BHB) sa Southern Tagalog. Ginbuksan sang yunit ang PJMS agud pormal nga sugdan ang Sandigan nga Kurso sang Partido (BKP) para sa mga katapo sang Partido kag masang aktibista halin sa ginakonsolida nga mga baryo.
Ginlunsar ang istagard nga BKP bilang pagsanto sa iskedyul sang masa nga masako sa pagkaingin, pagpangita sang palangabuhian ukon indi gani pag-atipan sang mga anak. Kon magdugay ang oras antes masugdan ang pagtuon, nagapasanto ang yunit paagi sa paglunsar sang pulong talakayan ukon pulong kultura.
Kon kaisa samtang may isa tubtob tatlo ka klasrum sa isa ka pwesto, may yara pa isa ka tim nga naka-detats agud maghatag sang pagtuon sa lugar nga mas malapit sa puluy-an sang masa. Positibo nga natumod sang yunit ang paghulat ukon paghandum sang ideyal nga sitwasyon agud ilunsar ang pagtuon. Samtang may mga bulwak sang pagtuon nga may dululungan nga klasrum kag madamo nga isip sang estudyante, may yara man sang dungan nga paisa-isa ukon pila-pila agud mapatapos ang masa sa pagtuon.
Samo nga mga tigulang, pamatan-on, lalaki kag babaye, kag kon kaisa upod pa ang ila mga anak, ang mga estudyante sa mga pagtuon. Subongman, may yara mga beterano kag bata sa ila mga instruktor, apang ang sobra sa tunga halin sa mga bag-o nagpatapo nga mga pamatan-on. Nagasinampaw ang kahanas kag pagkamaayo sang mga instruktor nga halin sa sahing mangunguma kag petiburgesya.
Ginlunsar sang yunit ang BKP tungod maathag nga kinahanglan nga maarmasan ang masa sang mga rebolusyonaryong teorya kag prinsipyo agud maatubang kag mapakig-awayan ang nagalala nga krisis kag ang nagasingki nga terorismo sang estado sa ila mga komunidad. Pagtinguha man ini nga sabton ang kahublagan panadlong suno sa yunit.
Antes ang pagtuon, nagalunsar ang yunit sang duha ka hugna sang BKP Instructor’s Training. Ginatinguhaan sa paghanas nga idapat sa partikular nga kahimtangan, inagihan kag kultura sang masa ang BKP. Yabe nga ang mga instruktor may nagakaigo nga sosyal nga imbestigasyon kag pag-analisa sa sahi sa lokalidad. Gina-engganyo man ang mga instruktor nga mangin matinugahon sa pamaagi sang pagtudlo kag maayo sa pag-isa sang mga pyesa sang rebolusyonaryong arte sa mga topiko.
Gintumbasan sang masa kag milisyang bayan ang paghanda sang Hukbo. Kabulig sila sa pag-imbitar sa mga estudyante, pagseguro sang seguridad kag pagpasulod sang kinahanglanon nga suplay. Magluwas pa diri ang sakripisyo sang masa sa pagtambong sa pagtuon nga kon kaisa nagadugay tubtob alas-11 sa gab-i bisan nga may trabaho pagka-aga. Kon magab-ihan, magkasalo nga nagakape ang masa kag mga Pulang hangaway agud makabugtaw ang mga manugtuon kag mga instruktor.
Sa pagtapos sang mga pagtuon, ululupod nga nagakanta ang mga instruktor kag tumuluon sang lain-lain nga rebolusyonaryong kanta. Antes magpauli, malipayon nga nagakamustahanay kag nagapaalam ang masa kag hukbo sa isa kag isa kadungan sa mga pag-imbitar kag pahibalo sa masunod nga pagtuon. Nagbunga ang mga pagtuon sa pagtukod sang isa ka bag-o nga sanga sang Partido sa lokalidad.
Gilayon nga natilawan ang kalig-on sang masa nga nagtapos sang BKP sang nag-atubang sa pasistang atake sang kaaway ang ila mga baryo kag sakupon sang focused military operation sang AFP. Ginpaslaw sang ila paghiliusa ang terorismo sang estado. Ululupod sila nga nagpakig-away, nga hugot nga kabulig ang ila matuod nga hukbo.
Ginpakita sang aktibo nga pagtib-ong kag pakigbahin sang masa sa Eskwelahan JMS nga ila ginabaton ang pagtadlong sang Partido kag ang ila bahin diri. Dapat nga magserbe nga panghangkat sa mga rebolusyonaryo—ilabi na sa mga kadre kag katapo sang Partido kag Hukbo—nga ginapalahos sa mga lokal nga pwersa ang pagpanadlong bilang ila man katungdanan agud wala sang pangduha-duha nga ihalad ang kusog, kaalam kag ikasarang sa liwat pagpapagsik sang demokratikong rebolusyon sang banwa.
