Hugot nga ginkundenar sang Bagong Hukbong Bayan-Camarines Norte (Armando Catapia Command) ang pagpanglugos sang mga soldado sang 16th IB sa indi magnubo sa tatlo ka kababaenhan sa probinsya sadtong nagligad nga mga binulan.
Isa sa mga biktima ang 21-anyos nga babaye nga taga-Barangay Bagong Silang 3. Sandig sa iya panaysayon, naabtan siya sang tatlo ka elemento sang 16th IB nga naga-isahanon sa iya balay sadtong Septyembre. Pilit nga ginsulod sang isa sa mga soldado ang balay kag ginlugos siya samtang nagaserbe nga “lookout” sa guwa ang duha.
Sadtong Oktobre 7, isa ka babaye naman nga taga-Barangay Bagong Silang 2 ang ginlugos sang mga soldado. Suno sa biktima, nagtinguha siya nga awayon ang lalong sa ilimnon kag droga apang wala siya nagmadinalag-on. Pagkatapos sang krimen, ginkawat pa sa iya ang ₱2,000 niya nga kwarta.
Sadto man Oktobre, isa ka estudyante sang Barangay Daguit ang ginlugos sang mga elemento sang nasambit nga batalyon samtang nagapakadto sa ila ginatrabaho nga uma.
Suno kay Ka Carlito Cada, tigpamaba sang ACC, ang mga pagpanglugos sang 16th IB indi bag-o tungod sadto pa nga kilala na ang batalyon sa kalakasan sa kababaenhan sadtong una nga ginpakat ini sa probinsya.
