Ginpatuman sang Roselyn Jean Pelle Command-New People’s Army (RJPC-NPA) ang malawig na nga ginpapanaug sang Rebolusyonaryong Korte sang Pumuluyo nga silot kamatayon batok kay Johnny Boy dela Fuente alyas Jemboy, kagaina, Septyembre 4, alas 6:55 sang aga, sa Sityo Vergara, Barangay Bug-ang, Toboso, Negros Occidental.
Si dela Fuente nagpuyo sa Sityo Magtuod, sa nasambit nga barangay, kon sa diin nagapanilag siya sang mga aktibidad sa pumuluyo nga mga myembro sa isa ka kooperatiba sa amo nga lugar. Iya ginpasibangdan ang mga myembro nga tagasuporta ukon katapo sang NPA.
Magluwas sini, padayon siya nga nagpagamit sang Armed Forces of the Philippines (AFP) bilang ila nga intel aset.
Si dela Fuente man ang naggiya sang mga pwersa sang 62nd IB sa pagpa-raid sa balay nga gintineran sang mga Pulang hangaway sa Sityo Magtuod, sa nasambit nga barangay sadtong 2008.
Ang pagsilot kay Bemboy nagapamatuod nga bisan sa malawig na nga panahon, malab-ot pa gihapon sa kamot sang rebolusyonaryong hustisya ang mga naghimo sang krimen sa pumuluyo kag sa bilog rebolusyonaryong kahublagan.
