Madinalag-on nga natigayon ang punitibong aksyon sang Armando Sumayang Jr. Command-NPA batok ni Arnel Tagon, 38 anyos nga taga Sitio Badyang, Barangay Camindangan sakop sang banwa sang Cauayan, nga isa ka aktibo nga intel aset sang CIDG kag mga militar.
Mabug-at nga kaso ang gin-atubang ni Tagon sa rebolusyonaryo nga korte sang pumuluyo. Siya ang responsable sa pagpa-reyd sa yunit sadtong 2022 nga napaslaw sa mga Pulang hangaway paagi sa hugot nga pagpatuman sang gerilyang paghulag kag kontra-paniktik nga tikang. Dugang diri ang iya wala pagduhaduha nga pagpangumbinsi sa mga masa nga magsungka sa reaksyonaryong gobyerno kag magpagamit sa ila agud magtuga sang halit sa rebolusyonaryong kahublagan.
Bisan pa man sa nagalala nga militarisasyon sa kaumahan sang Southwest Negros, indi ini kapugong sa pagpatuman sa pulang hangaway sang mga hilikuton agud malab-ot ang hustisya kag masiguro ang kaayuhan sang kadam-an ilabina sa mga masang mangunguma kag mamumugon. Subongman, ginapanawagan sang ASJC-NPA nga magsungka ang mga indibidwal nga gapangatubang sang kaso sa korte sa pumuluyo sa pinakalapit nga yunit sang NPA. Samtang, determinado gihapon ang mga pulang hangaway sa pagnyutralisa sa mga pinakahamulag kag mga pinakadespotiko nga mga indibidwal sa hanay sang mga malain kag kontra-rebolusyon nga mga entidad.
