Kabulig sang hukbo ang Alipato sa pag-organisa sa Camarines Norte

Ang Bayan
December 7, 2024

Liwat ginbalhag sang rebolusyonaryong kahublagan sa Camarines Norte ang pahayagan nga Alipato bilang instrumento sa hilikuton propaganda kag pag-organisa sang mga yunit sang Bagong Hukbong Bayan (BHB) sa probinsya. Nagdesisyon ang Komite sang Partido sa probinsya nga liwat ipagwa ang rebolusyonaryong pahayagan masa sadtong Hunyo 2024.

Resulta ini sang lubos nga pagtinguha sang Komite agud ipaunod ang mga lokal nga isyu sa ekonomiya kag pulitika, mga paghimakas masa, kag ibuyagyag ang kalakasan kag pasismo sang mga yunit sang 16th kag 81st IB sa masang CamNorteño. Siling sang Komite, dapat gamiton ang isa ka libo kag isa ka pamaagi kag sobra pa, agud sa pagsulong paabanse sang inaway banwa.

Suno sa nagadumala sang Alipato, gilayon sila nga nagsugod sa proseso sang paghimo sang dyaryo pagkatapos nga mahimo ang desisyon nga liwat ini ibalhag. Nagdugay lamang sang halos duha ka semana ang pagsulat sang mga artikulo, pagpangalap sang koresponsal kag paghimo sang dyaryo. Napatigayon nila ini sa sistema sang gerilyang paghulag sa sulod sang yunit sang BHB nga ila napatapuan.

May yara 10 ka bahin ang isyu sadtong Hunyo. Ginpaunod sang Alipato sa editoryal ang panawagan sini sa masang CamNorteño nga tapuson ang kaimolon kag magpakigbahin sa inaway banwa. May yara man ini sang balita sa mga aksyon militar sang mga yunit sang BHB-Camarines Norte, mga kaso sang paglapas sa tawhanon nga kinamatarung sang armadong pwersa sang rehimen Marcos, pagbuligay sang masa kag hukbo kag iban pa nga isyu pungsodnon. Naga-unod man ini sang mga seksyon sang laygay medikal, tribya kag puzzle.

“Kadungan sang pagbuhi sa Alipato amo ang liwat pag-ayos sang makinarya sa reproduksyon kag distribusyon sa lokal,” estorya sang mga kaupod kaangot sa sistema sa pagpanagtag sang dyaryo. Siling nila, nagapanguna nila nga ginatarget nga mahatagan sang kada isa ka kopya ang tanan nga mga katapo sang Partido sa lokalidad kag sunod, bisan ang mga katapo sang mga organisasyon masa sa kada barangay.

Kadungan sang liwat nga pagbalhag sang Alipato, ginatinguhaan man sang yunit sa propaganda sa probinsya nga pabaskugon ang ila presensya sa social media agud mapalapnag ang artikulo sini sa internet. Halin sa sadto nila nga inagihan, ginpaambit sang mga kaupod nga relatibo nga nakabulig ang social media sa pagpukaw sa interes sang masa sa mga lugar nga wala pa nalab-ot sang mga armadong yunit.

Una ginbalhag ang Alipato sadtong 1988 bilang resulta sang mga sunod-sunod nga kampanya kontra-pyudal. Ginabalhag sa mga pahina sini ang organisadong paghiliusa sang mga mangunguma kag hukbo sa atubang sang nagasingki nga pyudal nga paghari sang mga agalon may duta sa probinsya kahimbon ang mga lokal nga upisyal sang gobyerno sadtong dekada 1980.

Sa mga pahina sini ginabantala ang pagkinalipay sang masang CamNorteño sa pagpapanaug sang silot sang BHB sa mga despotiko agalon mayduta sa probinsya. Nabalhag man diri ang estorya sang ispontanyo nga pakigbato sang mga mangunguma kag pumuluyo batuk sa dumuluong nga pagmina sadtong 1981.

Sa masunod nga mga dekada, nangin nagapanguna nga tig-bandera ang Alipato sang mga kadalag-an sang rebolusyonaryong kahublagan sa probinsya nga nagserbe nga inspirasyon para sa mas nga pagpabaskog pa sang espirito kag balatyagon sang masa nga makig-away kag maghimakas. Nangin katimbang man sang dyaryo sa patag sang hilikuton propaganda ang regular nga pagbalhag sang Tilamsik ng Dakilang Apoy (Paglapta sang Dungganon nga Kalayo), ang rebolusyonaryo nga pang-kultura nga dyornal sang Camarines Norte.

Sa subong, plano sang yunit nga ipagwa ang isyu sang Alipato matag kwarto sang tuig. Magluwas diri, nakabalay naman nga magpaguwa sila sang mga ispesyal nga isyu kon kinahanglanon. “Ang Alipato bukas sa tayuyon nga pagpauswag kag komentaryo. Ginasigahum namon…nga makabulig ini sa [pangkabug-osan nga hilikuton propaganda],” pahayag sang nagadumala.

Dugang ang Alipato sa madamo nga rebolusyonaryo nga pahayagan masa halin sa lebel larangan, probinsya, rehiyon kag pungsodnon nga ginabalhag sang Partido, sang mga yunit sang BHB, kag mga alyado nga organisasyon sang National Democratic Front of the Philippines. Ang mga ini nagaserbe nga materyal para sa pagpabaskog sang rebolusyonaryong kahublagan diin man nga bahin sang pungsod.