Ginhukman nga may kasal-anan sang mga korte sa Puerto Princesa kag Brooke’s Point ang anom ka tigpangapin sang tawhanon nga kinamatarung sa kaso nga illegal possession of explosives and explosive devices kag rebelyon sa nagligad nga mga semana. Suno sa grupo sang tawhanon nga kinamatarung, indi makatarungan ang silot nga reclusion perpetua ukon tubtob buhi nga pagkabilanggo sa anom kag direkta nga pagtampalas ini sa hustisya.
Ang mga aktibista, nga kabahin sang gintawag nga Palawan 7, ang gin-aresto sadtong Oktobre 4, 2019 sa isa ka tsekpoynt sa Sityo Anilawan, Barangay Babuyan, Puerto Princesa City. Ang pito ka gin-aresto amo sila ni Antonio Molina, organisador sang KASAMA-Timog Katagalugan, sila ni Bener Rimbunan kag Awing Lumpat, mga tumandok nga Palaw’an, Glendhyl Malabanan, anay pangkabilugan nga tiglikom sang Karapatan ST, Ronces Paraguso kag Jenny Bautista, mga istap sang Karapatan-ST, kag si Joemelito Tanilon, organisador sang Pamalakaya-Palawan. Si Molina ang napatay sa detensyon tungod sa atake sa kasing-kasing sadtong Nobyembre 2021.
Nagaplano sang apelar ang Palawan 6 para sa ila nga kaso. Nagpanawagan man ang mga grupo sa tawhanon nga kinamatarung nga ibasura ang iban pa nga mga kaso nga ginpasaka sa mga biktima kag gilayon sila nga hilwayon.
