Tatlo ka malip-ot nga armas ang nakumpiskar sang Bagong Hukbong Bayan-South Central Negros (Romeo Nanta Command) halin sa ahente sang paniktik sang militar nga si Diosdado Apatan sa Binalbagan, Negros Occidental.
Halin pa dekada 1980 nga nagaserbe nga aset sang militar si Apatan.
Sa Albay, ginpaslaw sang BHB ang pag-atake sang 49th IB sa ila pusisyon sa Barangay Matanglad, Pio Duran sadtong Oktobre 27. Tuso nga nagpalapta sang binutig ang 49th IB nga naglunsar sang “relief operation” ang ila yunit sang mabungguan sang hukbong bayan. Ang matuod, nagapatigayon sang operasyon kombat ang mga soldado sa barangay.
Mismo mga upisyal sang barangay nagpaathag nga wala sang pagpanagtag sang relip nga nahitabo sa komunidad.
