Ang paghinumdum sa Martial law mao ang pagkundenar sa mga bayolasyon sa tawhanong katungod ug mga pagpang-abuso ilalom sa rehimen ni Ferdinand Marcos Sr ug sa karon, ilalum sa itoy-itoy ug pasistang rehimen sa iyang anak nga si Bongbong Marcos Jr.

Sa pagdeklara kaniadto ni Marcos Sr sa Martial law sa Pilipinas, usa kini ka mangitngit nga kasinatian sa nasud nga nagmugna og paantus sa katawhan nga biktima sa pag-abuso militar. Susama gihapon karon nga rehimen sa iyang anak nga wala nagdeklara og Martial law apan natagamtaman sa pumuluyo ang grabeng militarisasyon ug pagpangyatak sa katungod sa katawhan nga nakig-away batok sa ilang mga lehitimong demanda. Daghan na ang mga biktima sa pagpamatay, arbitraryong gidakop, gi-interogar ug gitortyur, gi-abdak nga hasta karun wala na nakita ang lawas ug uban pa.

Dugang pa dire, ang gi-atubang man sa pumuluyong Negrosanon ang kawalay igong panginabuhian sa mga mangunguma tungod giilog sa mga dagkong agalon yutaan ang ilang yuta. Kasagaran nga nahitabo nga palayason ang mga mangunguma sa yuta nga ilang gitikad ug tukoran kini ug mga dagkung imprastraktura. Nagresulta kini sa grabeng kapigaduhon ug kagutom sa pumuluyong Negrosanon. Samtang ang ubang mangunguma mapugos nga manglangyaw sa syudad para manarbaho bisan gamay ang sweldo, walay benepisyo ug walay kasigurohan sa trabaho.

Samtang ang pasista ug korakut nga rehimeng Marcos ,walay bisan piso nga gigahin para pasakaan man lang ang sweldo sa mga ordinaryong trabahdor, hinuon mas gihatagan niya ug dako nga pundo ang Armed Forces of the Philippines (AFP), Philippine Natuonal Police (PNP) ug NTF-Elcac, para padayon niya kining mauto-uto sa iyang kampanya kontra-insurhensya. Dugang pa dinhi ang paggahin niya og binilyong pundo sa intelligence and confidential fund nga dugang nag makakumkom siya og pundo para sa iyang kaugalingong interes.

Dili pa kini paigo, imbes nga hatagan niya og pagtagad ang mga mulo sa katawhan sa kakulang sa serbisyo sosyal ug hatagan niya og importansya ang kaayuhan sa katawhan, mas gihatagan niya og dalagku nga budget ang pagtukod og mga proyekto nga kuno makapugong sa baha apan nganong kadaghanan sa mga lumulupyo ang nag-antus sa gihapon ug nadislokar sa panahon sa grabeng ulan ug baha. Mas gisiguro nila nga makakorap og binilyong pondo.

Dili ang pagtukod og mga imprastraktura ang solusyon sa kalisud sa katawhan kondili ang paghatag og maluntangtarung solusyon susama sa tinuod nga reporma sa yuta ug nasudnong industriyalisasyon.

Sa karun nga September 21 husto lang na hampakon ug dagsangon sa mga protesta ang pagkomemorar sa Martial law. Pagkundenar usab kini nga walay kalahian sa kasamtangan nga rehimen ang kahimtang sa katawhannugnmas nigrabe pa hinuon kini.

Kinahanglan nga maghiusa ang tanang katawhan para maglunsar og lain-laing porma sa pakigbisog. Ipakita ang hiniusang kusog aron malumpag ang sistemang semi-kolonyal ug semipyudal nga dugay nang nagpaantus sa katawhan.

Mosalmot sa armadong pakigbisog para makab-ot ang tinuod nga demokrasya ug kagawasan inubanan sa madilaabon ug determinado nga pagpakig-away hasta sa kadaugan.