Madinalag-on nga natigayon sa isa ka yunit sa Leonardo Panaligan Command-New People’s Army (LPC-NPA) ang pagsilot kay Pidio Kalderon, 30 kapin ang pangidaron, usa ka masupog nga intel asset ug ex-CAFGU sa Sityo Mambaha, Barangay Bucalan, Canlaon City, Negros Oriental niadtong Martes, Septyembre 23, alas 6:00 pasado sa gabii.
Makapila ka beses na nga gipa-raid ni Kalderon ang mga yunit sa LPC-NPA. Siya man ang responsable sa pagkapatay sa duha ka Pulang manggugubat kaniadtong 2011 sa Sityo Natae, Barangay Bucalan, sa nahisgutang lungsod.
Tuig 2023, ginyutralisa ug gipasabot sa mga NPA si Kalderon, ug gihatagan og higayon nga magbag-o. Gitahasan siya sa NPA sa mga panseguridad nga gimbuhaton hinungdan nga napundo ang iyang kaso sa rebolusyonaryong korte. Apan bisan pa niini,nagpadayon pa gihapon sya sa iyang pagreport sa 62nd IB. Gipasalig ug gipatuyok niya sa palad ang rebolusyonaryong korte sa pumuluyo ug gibalewala ang pagtabang kaniya sa NPA ug sa tibuok rebolusyonaryong kalihukan.
Niini lang tuiga, subay sa pagpangususisa, napamatud-an si Kalderon nga usa ka traydor sa rebolusyonaryong kalihukan.
Gawas pa niini, usa sab siya ka kawatan ug nagapangsaka-saka og balay para iyang kawatan. Madugay na siya nga gireklamo sa mga lumulupyo sa lugar. Gawas sa mga kahayopan nga iyang gipangkawat, manguha sab siya og mga inugbaligya nga mga bunga sa sili, paliya ug uban pa nga mga tanom sa mga lumulupyo sa maong lugar nga naghatag og perwisyo kanila.
Naghimo usab siya og mga problema nga magbutang og mga paskin gamit ang ngalan sa NPA nga kuno siya ang gisugo sa mga Pulang manggugubat para buhaton ang dili makapamaayo sa iyang mga silingan. Niini lang bag-o, giputol-putol niya ang hose sa iyang silingan ug gigamit ang ngalan sa rebolusyonaryong kalihukan.
Ang pagpakanaog sa silot kamatayon kang Kalderon usa ka pagpamatuod nga sinsero ang LPC-NPA sa pagpatuman sa rebolusyonaryong hustisya alang sa kaayuhan sa tanan. Kini nagsilbi usab nga pahimangno sa mga malaing elemento sa katilingban hilabina sa mga supog nga tig-giya sa mga tropang militar sa panahon sa ilang mga operasyon. Dili mutugot ang NPA, ang tinuod nga sundalo sa katawhan, nga padayong magpakuyanap og terorismo diri sa kabukiran.
Padayon ang LPC-NPA sa pagpaningil sa mga may utang nga dugo ug paghatag og nagakaangay nga hustisya alang sa katawhan nga biktima sa terorismo ug pagpanggipit sa pasistang estado.
