‎Ginpahamtangan sang isa ka yunit sang Armando Sumayang Jr Command (ASJC-NPA) sang rebolusyonaryong hustisya batok kay Maricel Pantajo, 34 anyos, sa Sitiyo Manauban, Barangay Lina-on, banwa sang Cauayan, Negros Occidental, sadtong Oktubre 14 sang gab-i.
‎
‎Ginpareyd ni Pantajo ang isa ka NPA yunit sa lugar sadtong Hunyo sini nga tuig. Bisan pa man luwas nga nakamaniobra ang mga Pulang hangaway, nakatuga sang troma sa tatlo ka menor de edad sa lugar ang pagpinalupok sa berdugong tropa sa 15th IB sa tion nga gintudlo ni Pantajo ang balay nga ginteneran sang NPA.
‎
‎Magluwas pa sini, aktibo nga lokal nga gaway si Pantajo sa NTF-Elcac, nga nagapamahug, nagapanilag, nagapanghalit sa pangabuhian kag pilit nga nagapasurender sang pumuluyo sa iya lugar kabaylo sang kwarta nga iya ginabulsa sa depektosong Enhanced Comprehensive Local Integration Program (E-CLIP) sang nasambit nga ahensya. Madumduman nga ang mga farm-to-market roads kag iban pa nga “Barangay Development Programs” (BDPs) na-imbolbar sa korapsyon sa pungsudnon nga lebel kag pagpangawat sang kikbak.
‎
‎Ini nga pagsilot kang Pantajo isa man ka pagpaandam sa mga may utang nga dugo sa masang anakbalhas kag rebolusyon. Indi dapat magpainto sang mga pahamot sang NTF-Elcac kag 15th IB bangud sa esensya himuslan lang sa gihapon kamo kag himuon nga mga suluguon para sa ila padayon nga pagpanghalit sa pumuluyo. Subong nga padayon ila operasyon sa bukiran nga bahin sa Cauayan, kinahanglan nga indi magpadala sa ila mga pagpanghaylo.
‎
‎Bisan ano ka lawig kag kabudlay, ang rebolusyonaryong hustisya manukot sa mga tawo nga nakatuga sang pagpanghalit sa rebolusyonaryong kahublagan. Padayon nga ipatuman ini para sa demanda sa hustisya sang pumuluyo nga padayon nga ginpigos kag ginhimuslan sa sistemang malakolonyal kag malapyudal idalom sa subong nga rehimen US-Marcos II.