Winaswas dagiti korte idiay Negros Occidental ti 9 aktibista nga inaresto dagiti puersa ti estado idi 2019 ken 2022 kadagiti kaso a kriminal. Tinu-dingan ti korte dagiti pulis nga waya-wayaan dagiti biktima manipud iti mano a tawen a pannakibalud.
Idi Nobiembre 18, imbasura ti kaso a pammapatay ken napaay a pammapatay maibusor ken ni Pastor Jimie Teves, Jodito Montesino, Jaypee Romano, Jasper Aguyong, Rogen Sabanal, Eliseo Andres, Ken Rodrigo Medez. Dagiti pito (7) ket inaresto iti Himamaylan City idi Hunyo 2019. Iramraman ida iti maysa nga armado nga engkuentro ti BHB ken soldado ti AFP idiay Kabankalan City idi Mayo 2018.
Idi Nobiembre 13, nawaya-wayaan da Carmen Jonahville (CJ) Matarlo ken John Michael Tecson kalpasan nga ibasura ti Korte dagiti kaso nga illegal possession of firearms ken explosives maibusor kadakuada. Inaresto ti dua idi Marso 18, 2022 kagiddan ti konsultant pangkappia ti National Democratic Front of the Philippines nga ni Ramon Patriarca iti Barangay Suay, Himamaylan City.
