Walkout iti UP Visayas. Nagmartsa ti nasurok 600 nga estudyante ti UP Visayas iti kampus daytoy idiay Miag-ao, Ilo-ilo idi Nobiembre 15 tapno idanon iti administrasyon ti Unibersidad dagiti dawat ken kiddaw. Pukkaw dagiti naduma-duma a grupo, organisasyon ken konseho iti martsa: “Do better UPV!” Ingiddan ti pananglagip ti National Students Day kada Nobiembre 17.

Maika-11 tawen ti superbagyo a Yolanda. Nagmartsa agturong iti Mendiola dagiti progresibo a grupo ken dagiti nakalasat iti kalamidad nga indauluan ti People Surge tapno lagipen ti maika-11 anibersario ti Superbagyo a Yolanda idi Nobiembre 8. Nagpanawagan ti grupo iti hustisya para kadagiti pimmusay ken nadidigra ti Yolanda idi Nobiembre 2013 iti uneg ti rehimen nga Aquino ll. Kasta met nga adda panagtignay idiay Marikina City idi Nobiembre 12 tapno lagipen ti maika-4 anibersaryo ti bagyo a Ulysses.

Prayer-walk idiay Quezon. Gasut-gasut nga umili ti Quezon ti limmaok iti inangay nga “Prayer-walk para iti Aglawlaw, Hustisia ken Kinapudno” idi Nobiembre 8 idiay Lucena City. Limmaok iti panagtignay dagiti tao ti simbaan, dagiti grupo nga mangsalsalaknib iti aglawlaw ken dadduma pay tapno agpanawagan nga isardeng ti panagkuari ken manangdadael a proyekto iti probinsiya. Napan ti grupo iti kapitolyo tapno ited ti maysa a petisyon.

Panagtignay kontra iti climate change ken gerra. Nagkaykaysa dagiti maka-kalikasan ken demokratiko nga organisasyon a Pilipino iti inrusuat a Global Day of Action Against Climate and War idi Nobiembre 16. Nangirusuat da ti protesta iti sango ti embahada ti US idiay Manila no sadino ket imbagada nga ti US ket numero uno nga nagbasol iti climate change ken dagiti gera iti intero a lubong. Ti panagtignay ket kagiddan ti pananglukat ti COP29 idiay Baku, Azerbaijan.