Hugot nga gikundena sa Bagong Hukbong Bayan-Camarines Norte (Armando Catapia Command) ang pagpanglugos sa mga sundalo sa 16th IB sa dili moubos sa tulo ka babaye sa prubinsya niadtong milabayng mga bulan.
Usa sa mga biktima ang 21-anyos nga babaye nga taga-Barangay Bagong Silang 3. Sumala sa iyang saysay, naabtan siya sa tulo ka elemento sa 16th IB nga nag-inusara sa iyang balay niadtong Setyembre. Pugos nga gisulod sa usa sa mga sundalo ang balay ug gilugos siya samtang ang duha nagbantay sa gawas.
Niadtong Oktubre 7, usa ka babaye usab nga taga-Barangay Bagong Silang 2 ang gilugos sa mga sundalo. Sumala sa biktima, gisulayan niyang suklan ang hubog ug nakadroga nga mga sundalo apan wala siya nagmalampuson. Human sa krimen, gikawat pa ang iyang ₱2,000 nga kwarta.
Sa maong bulan usab, usa ka estudyante gikan sa Barangay Daguit ang gilugos sa mga elemento sa maong batalyon samtang paingon siya sa ilang uma.
Sumala kang Ka Carlito Cada, tigpamaba sa ACC, ang mga pagpanglugos nga gihimo sa 16th IB dili na bag-o tungod kay kaniadto pa nabantog ang batalyon sa pagpanglugos sa kababayen-an sukad nga gibubu kini sa prubinsya.
