Ginpakanaugan sang silot kamatayon si Jesmer Pacunla, ligal ang idad, isa ka aktibo nga aset militar sang 94th IB, sadtong Hunyo 24 sa iya lugar sa Sityo Kasipongan, Barangay Carabalan, Himamaylan City, Negros Occidental. Isa ka yunit sang Romeo Nanta Command-New People’s Army (RNC-NPA) ang nagpatigayon sa silot, base sa desisyon sang rebolusyonaryong korte sang pumuluyo nga nakapamatuod sa iya mga krimen kontra sa kahublagan kag masa.
Si Pacunla nakaagum na sa komprontasyon sang nasambit nga yunit sang NPA sa nagligad nga tinuig bangud sa iya pagka-espiya, kag nagsaad nga indi na siya magpadayon sa iya nga obra. Pero sa gihapon sikreto ini nga nagahatag sang datos ngadto sa Armed Forces of the Philippines (AFP) angot sa NPA.
Sadtong 2024, aktibo si Pacunla nga nag-giya sa 94th IB para pahugon ang mga sibilyan kag ipa-reyd ang ila nga mga balay sa kabangdanan nga nagapatenir kuno sang mga Pulang Hangaway.
Nagapaniid man si Pacunla sa hulag sang mga pumuluyo sa lugar, kag kung may mga indi kilala nga mag-agi gilayon niya ini nga ginareport sa AFP.
Ang ini nga aksyon sang RNC-NPA magsirbe man nga pagpaandam sa mga nagapabilin nga aktibong aset sa militar sa lugar, nga sa baylo sa pipila ka libo kag temporaryo nga kahilwayan, magkomiter na sang mga paglapas sanh tawhanong kinamatarung kaangay sang pilit nga pagpasurender, pagpamahog, kag pagpamatay.
Ang mga traydor sa rebolusyon nga amo man ang obra, ginapanawagan nga magpalapit sa NPA para mapaatubang ang ila mga kaso sa rebolusyonaryong korte sang pumuluyo, kay sa padayon nga magpagamit sa militar.
Indi sulbad sa kagutom kag kapigaduhon ang mga peke nga bulig kag pagpanginto sang 94th IB kag sa reaksyunaryong estado. Gani sa reyalidad, tubtob subong, ang mga peke nga surenderi kag traydor nga ginpangakuan sang ‘dalagku nga kantidad kag pangabuhian’ ginahimo nga suluguon sa mga detatsment kag operasyon militar para lang may pangabuhian.
Imbes nga maghulat pa kamo nga makautang na sang dugo sa rebolusyon, mas maayo pa nga mangabuhi na lang kamo nga matinud-anon nga wala sang gapos nga hawid sang mga mersenaryo sang AFP.
Ang demokratikong rebolusyon sang banwa ang matuod nga makasulbar sang problema nga ginaatubang sang pumuluyo.
Padayon nga lagson kag silotan sang mga Pulang Hangaway paagi sa giya sa Partido Komunista sang Pilipinas ang mga napamatud-an nga may sala sa kahublagan kag krimen. Upod ini sa pagpasingki sa mga taktikal nga opensiba kontra sa mga pasista nga tropa militar nga padayon nga nagapanghalit kag nagakomiter sang makasiligni nga krimen kontra sa pumuluyo.
