Sa desperasyon sang #DiMasaligan79IB nga mahinabonan ang ila kapaslawan sa ila deklarasyon nga “lubos na nga nawasak ang rebolusyonaryong kahublagan sa Northern Negros,” ginagamit sini ang ila idu-ido nga mga traydor sa rebolusyon kag mga paramilitar para magapalapnag sang kakugmat sang pumuluyo.
Sang sini lang, sa Purok Belen, Barangay Marcelo, Calatrava, Negros Occidental, ginpahug ni RJ Dañoso alyas ‘Jobert’ ang isa ka mangunguma nga si Arnel Gungog, nga ila patyon ang mga “lider masa sang NPA.”
Ang ini nga pagpamahug nagakahulogan sang mas magalala nga pagpanglapas sang tawhanon nga kinamatarung sang Armed Forces of the Philippines (AFP) batok sa mga inosente nga sibilyan, ilabi na sa mga mangunguma kaangay sang pagpamatay, iligal nga pagpang-aresto, pagpangbomba, pagpangransak kag iban pa.
Sa idalom sang rehimen Marcos II, naglab-ot na sa 1, 153 ka kaso kon sa diin masobra sa 95,000 ang mga biktima sang mga bayolasyon sang tawhanon nga kinamatarung ang ginkomiter sang AFP, Philipine National Police (PNP) kag ila mga paramilitar sa isla sang Negros.
