Ginpatuman sang Armando Sumayang Jr-New People’s Army (ASJC-NPA) ang ginpapanaug nga silot kamatayon sang rebolusyonaryong korte sang pumuluyo batok kay Garde Francisco, kagahapon, Oktubre 3, pasado alas 6:00 sang gab-i sa iya balay sa Sityo Lumbia, Barangay Kamansi, Kabankalan City, Negros Occidental.
Si Francisco isa ka rebolusyonaryong pwersa sadto nga nisungka sa reaksyonaryong gubyerno kag nagpagamit bilang aset militar sang 15th IB.
Gindesisyonan ang pagpakanaog sang silot kamatayon sa iya bangud imbolbado siya sa mga tatlo ka mayor nga makasiligni nga krimen kontra sa rebolusyon:
(1) pagpatay kang National Democratic Front (NDF)-Negros consultant Ericson Acosta kag iya upod nga si Joseph Jimenez sa Sityo Makilo, Barangay Kamansi, Kabankalan City on Nobyembre 30, 2022;
(2) pagpatay sang lima ka hors de combat nga sanday Bobby ‘Ka Rekoy’ Pedro, Mario ‘Ka Goring’ Mullon, Alejos ‘Ka Bravo’ delos Reyes kag iya asawa nga nagabusong nga si Melissa ‘Ka Diane’ dela Peña kag isa pa ka busong nga si Janice ‘Ka Joyce’ Flores, kag sibilyan nga tricycle driver nga si Ruben Gaitan sadtong Setyembre 21, 2023 sa Sityo Lubi, Barangay Tabugon, Kabankalan City; kag
(3) sa pagka-martir sa Kabankalan 7 nga sanday Reniel ‘Ka Randy’ Cellon, Mary Jane ‘Ka Shonie’ Magquilat, Charity ‘Ka Mayang’ Amacan, Dee ‘Ka Dahlia’ Supelanas Johnrey ‘Ka Jai’ Mejares, Glenda ‘Ka Glendyl’ Tinio Mejares, Ka Pitong, sa Barangay Tapi, Kabankalan City sadtong Abril 27, 2025.
Bangud sa iya utang nga dugo kag lubos nga pagtraydor sa rebolusyonaryong kahublagan, gindesisyonan sang rebolusyonaryong korte ang silot-kamatayon para kang Francisco.
Ini nga pagsilot nagserbi man nga pagpaandam sa mga may utang nga dugo sang rebolusyon, kag sa mga aktibo nga nagpagamit sa militar para manghalit sa pumuluyo: indi malipat ang kasaysayan sa inyo mga krimen, kag magpanukot sang hustisya ang NPA. Mas maayo nga mangabuhi sang pormal kaysa mangin aset militar nga ginahaylo lang sa kwarta kag temporaryong kahilwayan nga indi man pangmalawigon nga solusyon sa krisis sang kaimulon kag kapigaduhon.
