Sadtong Setyembre 15, gintigayon ang pagpahamtang sang silot-kamatayon kay Joshua Rabor, alyas “Ka Jake”, 25 anyos, pasado alas-11:00 sang gab-i sa Sityo Momhi, Barangay Narra, Cauayan, Negros Occidental. Ini gintigayon sa isa ka yunit sang Armando Sumayang Jr Command-New People’s Army (ASJC-NPA), base sa iya mabug-at nga krimen kontra sa pumuluyo kag rebolusyonaryong kahublagan.
Si Rabor nagsurender sa reaksyonaryong gobyerno sadtong tuig 2023. Halin sa iya pagsurender, nangin masupog siya nga intel aset sang 15th IB kag aktibo nga nagpaniktik sang hulag sa mga Pulang hukbo. Magluwas sini, naga-intra siya sa pagpamahug sang pumuluyo sa lugar agud makaganar sang kwarta paagi sa pagpamahug sa ila hasta mapilitan sila nga magasurender bilang mga katapo ukon tagasuporta sang NPA.
Nagakalipay ang pumuluyo bangud sa hustisya nga ila naangkon batok sa patung-patung nga krimen ni Rabor sa lugar.
Ini nga punitibo nga aksyon sang mga Pulang hangaway daku nga pamatuod nga padayon nga nagalungtad ang larangan gerilya sa Southwest Negros, kag aktibo nga nagadepensa ang ASJC-NPA sa kinamatarong sang pumuluyo kag ila demanda para sa hustisya kontra sa mga ahente sang pasismo kag terorismo sang estado. Sukton sila sa Pulang gahum nga napundar sa kabukiran nga nagahandum para sa matuod nga kahilwayan nga malab-ot lang paagi sa armadong rebolusyon.
