Ginpatuman sang isa ka yunit sang Roselyn Jean Pelle Command-New People’s Army (RJPC-NPA) ang pagsilot kay Enrique ‘alyas Eboy’ Virtucio, masobra 60 ang edad, kagaina, Hulyo 1, alas 5:30 sang aga, sa Sityo Timis, Barangay General Luna, Toboso, Negros Occidental. Malapit lang ini sa national highway.

Si Virtucio upod kay Elias Palay sa pagpareyd sa mga Pulang hangaway sadtong Marso 18 sa Sityo Bairan, Barangay General Luna, sa nasambit nga banwa. Siya ang nagagiya sang mga tropa sang 79th IB sa sina nga panahon sa aktwal nga pagreyd sa mga NPA.

Responsable man si Virtucio sa pilit nga pagpasurender sa iya mga himata kag pumuluyo sa iya lugar.