R4, pistola kag mga bakpak, nakumpiskar sang BHB sa Bukidnon

Ang Bayan
December 7, 2024

Ginbantayan sang Bagong Hukbong Bayan (BHB)-Bukidnon ang naga-operasyon nga tropa sang militar sa Namnam River sa Barangay St. Peter, Malaybalay City, Bukidnon sadtong Oktubre 24. Tatlo ang napatay sa mga pasistang soldado kag nakumpiskar sa ila ang isa ka riple nga R4, vest kag mga magasin, pistola, 10 ka bakpak, mga bala kag iban pa nga suplay.

Ginpatigayon sang BHB ang taktikal nga opensiba nga ini sa kasingkion sang mga focused military operations sang mga batalyon sang Armed Forces of the Philippines sa rehiyon. Antes sini, gin-atake sang BHB ang tropa sang 26th IB sa Sityo Kimam, Barangay Binicalan, San Luis, Agusan del sur sadtong Oktubre 14. Nakumpiskar sa mga soldado ang apat ka bakpak kag iban pa nga kagamitan militar.

Sadtong Oktobre 22, na-engkwentro sang BHB ang 26th IB sa Barangay Binicalan. Namartir sa amo nga inaway si Ike Dahonay (Ka Tres). Indi magnubo sa lima ka soldado sang 26th IB ang ginabana-bana nga napatay samtang madamo pa nga iban ang napilasan, suno sa yunit sang BHB.

Aktibo nga depensa. Sa Masbate, nakapangapin ang mga yunit sang BHB-Masbate (Jose Rapsing Command) batuk sa pagtilaw nga reyd sang AFP sa ila ginakampuhan sa banwa sang Uson kag Baleno sadtong Nobyembre. Pito ka soldado ang nareport nga napatay sa aktibo nga mga depensa samtang pito ka iban pa ang napilasan.

Sadtong Nobyembre 22, ginpakig-awayan sang BHB ang 2nd IB sa Sityo Pile, Barangay San Jose, Uson. Naka-depensa man ang yunit sang BHB-Masbate sadtong Nobyembre 20 batuk sa 96th IB sa Barangay Cancahorao, Baleno. Nadakpan pagkatapos sang inaway ang isa ka Pulang hangaway. Nagapanawagan ang BHB-Masbate nga tahuron ang kinamatarung sang nadakpan bilang hors de combat ukon hangaway nga wala sang igabato.

Sa Oriental Mindoro, ginpaslaw sang mga Pulang hangaway ang pag-atake sang 76th IB kag 203rd IBde batuk sa yunit nga naka-hedkwarter sa Sityo Camilian, Barangay Bugtong na Tuog, Socorro sadtong Nobyembre 18. Duha ka pasista nga soldado sang rehimen Marcos ang napatay sa aktibo nga pagpangapin sang hukbo sang banwa samtang madamo ang napilasan.