Nairut nga kinondena ti New People’s Army-Camarines Norte (Armando Catapia Command) ti panangrames dagiti soldado ti 16th IB iti saan a bumaba iti tallo a babbai iti probinsiya iti napalabas a bulan.

Maysa kadagiti biktima ti 21-tawen na a babbai nga taga-Barangay Bagong Silang. Basar iti salaysay na, nadanunan isuna ti tallo nga elemento ti 16th IB nga agmaymaysa iti balay na idi Setiembre. Pilit nga sinerrek ti maysa kadagiti Soldado iti balay ken rinames isuna kabayatan nga agsipsiput iti ruar ti dua a kaduana.

Idi Oktobre 7, maysa met a babbai nga taga-Barangay Silang 2 ti rinames dagiti soldado. Basar iti biktima, ginandat na a labanan ti nalaus bartek na iti arak ken nakadroga ngem saan a nagballigi isuna. Kalpasan ti krimen, tinakawda pay kaniana ti ₱2,000 a kuartana.

Idi met Oktobre, maysa nga estudyante iti Barangay Daguit ti rinames dagiti elemento ti naibaga nga batalyon kabayatan nga mapan iti talon da.

Basar ken ni Ka Carlito Cada, tagapagsarita ti ACC, dagiti panagrames ti 16th IB ket saan nga baro gapu ta sigud nga ammo ti batalyon ti kinamananggundaway na iti babbai idi immuna a impakat dagitoy iti probinsiya.