Subong nga bulan sang Agosto, ginadumdom sang mga Pamatan-on kag pumuluyong panayanon ang pagkabaganihan sang mga martyr sang Agosto 2024. Sanday Vicente Hinojales “Ka Hadji”, Ma. Conception Araneta-Bocala “Ka Concha”, Rewilmar Torrato “Ka Minerva”, Benjamin Cortel “Ka Mamang”, Aurelio Bosque “Ka Rio”, Juvelene Silverio “Ka Porang”, Romulo Gangoso “Ka Pedik”, John Paul Capio “Ka Ronron”, Jerry Tacaisan “ Ka Miller, Armando Savares “Ka Nene”, kag Jielmor Gauranoc “Ka Doc” nga naga-serbe inspirasyon sa linibo nga pamatan-on sa kaumhan kag kasyudaran. Ang ila naging kabuhi kag sakripisyo nagapadayon sa adlaw-adlaw nga pagpalapad kag pagpabaskog sang rebolusyon.
Sa pagdumdom sa aton mga baganihan, naghiwat ang mga chapter sang Kabataang Makabayan sa Panay sang pagbasa sang pahayag nahanungod sang pagdeklara sang bulan sang Agosto bilang bulan sang aton mga baganihang martir. Naghalad sang mga kanta, tula, kag iban pa na aktibidad pangkultura. Sa diri ginkilala naton nga ang sakripisyo, kabudlayan, kag kamatayon, parte lamang sang rebolusyon.
Ang nangin kabuhi sang aton mga martir padayon nga naga dabok sa rebolusyon bangod Imbes kakugmat kag paghina, nangin inspirasyon sa mga pamatan-on ang pagpanday sang kahandaan kag kamuklatan agod parehas sang aton mga martir maging handa man sa paghalad sang bug-os nga kabuhi sa pag-alagad sa pumuluyo kag pagsulong sang rebolusyon.
Ang natabo nga pagkamartir sang 11 naton ka kaupod wala nagtuga sang pagkalingkang sa aton hanay. Kabaliktaran sa handom sang reaksyunaryo nga estado ang hitabo nga ini nagpabaskog kag nagpalig-on pa sang aton pagrebolusyon.
Ini gapakita lamang na wala naintindihan sang reaksyonaryo ang tuod na kinaiya sang rebolusyon. Nga ang rebolusyon magapadayon tungod sa mapiot nga kahimtangan sang aton pumuluyo. Samtang nagapadayon ng pagpang-ulipon kag pagpanghimulos magapadayon ang rebolusyon tubtob sa aton kahilwayan.
Sa subong na kahimtangan kung diin asod-asod ang pagsaka presyo sang balaklunon kag labi nga manubo ang pasweldo. Sa aton sosyodad kung diin minilyon ka mangunguma ang wala kaugalingon nga duta, lubog sa utang, kag padayon nga ginapabay-an sang estado. Mga mamumugon nga ginabarat-sweldo, mga drayber kag operator na ginakuhaan ang pangabuhian ang mismo nga gobyerno. Pamatan-on nga gin dingutan sang kalidad kag aksesible nga edukasyon. Kababainhan kag LGBT na padayon ginabusal sang macho-pyudal na katilingban. Gobyerno kung diin sobra 60% sang mga proyekto ginabulsa samtang gakalumos kita sa baha. Isa ka pungsod nga ginaharian sang mga dumuluong kag imperyalista.
Hindi matuod nga “gina-brainwash” ang pamatan-on. Ang konkreto nga kahimtangan sang pumuluyo ang nagaduso sa pamatan-on nga magbitbit sang armas kag ihana ini sa nagahari nga sahi nga mapanghimulos. Ang matuod na brainwashing nga gakatabo subong ang ginaubra sang reaksyonaryo nga gobyerno paagi sa fake news kag pagpatalang sa pumuluyo nga kuno ang aton pungsod naga-uswag. Gakabuka ang ilusyon nga ini sa adlaw-adlaw nga kabudlayan nga ginatubang sang pumuluyong pigos.
Padayon naga dagsa ang pamatan-on sa paghimakas kay ila obhektibo nga interes ang bitbit sang rebolusyon. Wala sila nagasulod rebolusyon dala lamang sang ideyalismo, bal-an sang pamatan-on nga mabudlay kag puno sakripisyo ang pagrebolusyon. Ugaling biskan amo ini ang kinaiya sang aton paghimakas nakita naton nga amo lamang ini nga banas ang makahilway sa aton kag magtuga sang maayo nga buwas damlag.
Sa tunga sang pagsingki sa pagkapintas sang reaksyon kontra sa rebolusyon, padayon nga nagabaskog ang kahublagan sang mga estudyante kag pamatan-on , kag ang pag-armas lamang ang sabat para batuan ang mapintas ang reaksyonaryo nga gobyerno. Hangkat nga ginasabat sang pamatan-on ang pagpalapad kag pagpalig-on sang aton hanay kag kaugalingon asta madaog ang pungsudnon demokratiko nga rebolusyon.
Pinakamataas nga saludo ang aton ginahatag sa tanan nga martir sang rebolusyon! Wala na sang masmataas pa nga pasidungog sa ila kundi ang aton pagpadayon kag pagpabaskog! Pamatan-on armasan ang aton kaugalingon kag isulong ang armado nga paghimakas asta sa kadalag-an!
Mabuhay ang NPA!
Mabuhay ang Partido Komunista sang Pilipinas!
Mabuhay ang National Democratic Front of the Philippines!
