Sa kapatagan ug mga kabukiran sa Central Luzon, nagdilaab ang paningkamot sa rebolusyonaryong kalihukan sa kabatan-onan aron patigbabawan ang mga kahuyangan, tul-iron ang mga kasaypanan, ug pakusgon pa ang han-ay sa Kabataang Makabayan (KM) sa rehiyon. Naningkamot sila nga maabot ang pinakadaghang kabatan-onan ug pandayon sila isip mga rebolusyonaryo, manggugubat, ug kumander sa Bagong Hukbong Bayan (BHB), ug kadre sa Partido Komunista ng Pilipinas.
Gipalig-on sa mga myembro sa KM-CL ang plano nga iasdang ug pangulohan ang rebolusyonaryong kalihukang kabatan-onan sa rehiyon. Subli nilang gibuklat ug gitun-an ang Katilingban ug Rebolusyong Pilipino (KRP), mga batakang dokumento sa KM ug Partido, mga teksto ug tinudlo sa founding chairman sa KM nga si Kaubang Jose Maria Sison, ug ang lapad nga pagtulun-an sa unibersal nga teorya sa Marxismo-Leninismo-Maoismo. Gikan dinhi, mikutlo sila og kaalam ug inspirasyon aron aseson ang ilang kaugalingong kasinatian ug moani og rebolusyonaryong pagtulun-an ug teorya.
Niadtong Oktubre, nagtapok ang mga myembro sa KM sa Pampanga aron ipahigayon ang pagpanumpa sa bandera ug gipalig-on ang ilang baruganan ug kamatinud-anon sa organisasyon. Gipalab-as usab nila ang tibuok kasingkasing nga pagdawat sa linya, programa, ug palisiya sa KM, pagpaasdang sa rebolusyonaryong kalihukang kabatan-onang-estudyante sa prubinsya, pagtampo sa armadong pakigbisog, ug pagpadayon sa nasudnon-demokratikong rebolusyon hangtud sa hingpit nga kadaugan. Human niini, misalmot sila sa kolektibong pag-ugmad sa usa ka umahan.
Kinabuhi nga gihalad ni Ka Mabel
Inspirasyon sa KM-Central Luzon sa subling pagpakusog niini niini ang mga martir gikan sa han-ay sa kabatan-onan. Usa niini si Azase Galang (Ka Mabel) nga namartir niadtong Hunyo 26 sa usa ka depensibong panagsangka sa Pantabangan, Nueva Ecija.
Sa linghod nga pangidaron, nahibalo na si Ka Mabel sa dagway sa pasismo. Ang iyang amahan gidagit ug giwala sa mga ahenteng militar ilalum sa rehimenng US-Arroyo. Niadtong 2022, gidagit usab ang iyang inahan nga si Maria Elena “Cha” Pampoza sa mga ahenteng militar.
Nagsugod siya og lihok sa han-ay sa kabatan-onan niadtong 2016. Nagpatuman siya og yaweng tahas sa pagtukod sa organisasyon sa kabatan-onan sa Tarlac. Napili siya nga pangulo niini niadtong 2020.
Sa ika-upat nga tuig niya sa kursong Public Administration sa Tarlac State University, nakadesisyon siyang magpultaym nga aktibista sa Central Luzon ug talikdan ang iyang pangandoy nga mahimong abogado. Mibarog siya isip kalihim sa KM sa rehiyon. Niadtong Hulyo 2023, nakahukum siyang mahimong manggugubat sa BHB.
“Luyo sa iyang seryosong dagway, nagpahipi ang kasingkasing nga kanunay andam nga maghalad og oras ug panahon alang sa masa, dili nako siya mahikalimtan,” matud ni Echo, usa ka kanhing estudyante nga nirekrut niya sa Tarlac, nga karon bag-ong myembro sa KM. Daghan pang mga batan-ong sama ni Echo ang na-inspayr sa sakripisyo ug paningkamot ni Ka Mabel.
Desisyon ni Ka Aya
Usa si Ka Aya sa kasamtangang organisador sa KM sa rehiyon. Sulod sa pipila ka tuig nga pagtuon sa usa ka pangpublikong eskwelahan, nahimong klaro kaniya nga dunot ang edukasyon sa nasud. Sa pagtuon niya sa katilingbang Pilipino, iyang nasabtan ang ugat sa maong mga problema.
Sulod sa pipila ka bulan nga paglihok, nasinati ni Ka Aya ang pasismo sa estado batok sa mga kabatan-onang nanalipud sa katungod sa katawhan. Imbes nga mahadlok, mas natukmod siyang magpadayon.
Sa padayon nga paglubog sa han-ay sa masang kabus, nasabtan niya ang mga pakigbisog sa nagkalain-laing sektor sa katilingban. Bug-os niyang gigakus ang rebolusyonaryong kalihukan sa katawhan.
Human ang pipila ka tuig, nakahukum siyang ihalad ang tibuok panahon isip organisador sa mga kabatan-onan. Gibiyaan niya ang petiburges ug komportableng kinabuhi. Sayod siyang walay nagpaabot nga maayong kaugmaon para sa kabatan-onang sama niya hangtud nagpadayon ang pagpahimulos ug pagpangdaugdaug batok sa katawhan.
Gikan sa Kalayaan Nobyembre 2024, KM-Central Luzon.
