Iligal nga gindetine sang 17 ka mga katapo sang #DiMasaligan79IB ang mga tapasero sa balay ni Nida Espinosa sa Sityo Paraiso, Barangay Minautok, Calatrava, Negros Occidental sadtong Hunyo 4, pasado ala-1:00 sa hapon.
Antes pa sini, ginpalibutan sang mga Soldado ang balay ni Espinosa.
Kapin isa ka oras nga gin-hold sang nasambit nga militar si Espinosa, iya anak nga si Dongki upod sila Junjun Wendell Amparado, Jiji Daniel, Benjie kag Jenie Batuon, JR Mancao, Dodong Patok, Dodong kag isa pa ka babaye.
Nagapangusisa ang nasambit nga militar sa ila, ginpangitaan sila sang National ID, kag gin-psywar si Espinosa nga nagtuga sang kakugmat sa iya. Samtang wala na sila nagpadayon sa pagpangtapas bangud sa kahadlok.
Subongman, wala untat ang focused military operation nga ginapatigayon sang 79th IB sa banwa sang Calatrava, Toboso kag Escalante City, Negros Occidental sa sini nga semana sang Hunyo.
Hunyo 6—duha ka kolum ang ara pa gihapon sa Sityo Manaysay kag ara man sa Binabuyan kag Proper, tanan sakop sang Barangay Cambayobo, Calatrava.
Hunyo 6—ara pa gihapon ang presensya sang nasambit nga militar sa mga sityo sang Paraiso, Puting Tubig, Proper kag Pison; tanan sakop sang Barangay Minautok, Calatrava.
Hunyo 6—may mga tropa militar sa Sityo Ikogan, Barangay Minapasok, Calatrava.
Hunyo 5—duha ka kolum ang nagpundo sa proper sang Barangay Hilub-ang kag sa proper sang Barangay Lalong, Calatrava.
Sa Toboso, may ara mga Soldado sa gym sang Barangay San Jose halin kagahapon, Hunyo 6.
Samtang sa Escalante City, halin pa sa bulan sang Mayo nagtiner ang mga pwersa sang #DiMasaligan79IB sa proper sang Barangay Malasibog kag may mga tropa militar man sa Sityo Mansulao, Barangay Pinapugasan halin sadtong Hunyo 5.
