Press statement | 14 November 2017
[Bisaya»]

An incessant mass action against the David M. Consunji Incorporated (DMCI) land monopoly that started in August is progressing in Sultan Kudarat and South Cotabato. Accumulated parcels of land totaling to about 195 hectares have been occupied and cultivated by nearly 140 T’boli-Manobo peasant families who have for so long struggled to repossess their ancestral lands purloined by the big landlord-comprador-warlord Consunji.

The reclaimed area is a portion of Consunji’s 10,990 hectare land holding in the South Cotabato-Sultan Kudarat boundary he speciously obtained through the government’s Integrated Forest Management Agreement (IFMA) program. It is also within the 3,000 hectare coal mine of the DMC-Construction Equipment and Resources Incorporated (DMC-CERI).

The DMCI came into the area in the middle of 1980 after acquiring the logging concession Sarmiento Industries Incorporated. It subsequently continued the logging operations until the IFMA was constituted three decades ago.

In the process of its IFMA implementation, the DMCI viciously drove the T’boli-Manobos out of their lands by employing its private army and the mercenary government forces to secure its operations. Not long after, large plantations of Arabica coffee and commercial tree species were developed by its subsidiary Silvicultural Industries Incorporated (SII).

Thirty years of unrelenting struggle against Consunji’s tyranny has taught the T’boli-Manobos the importance of organizing their people and forging firm unity. Amidst DMCI and state coercion, the Lumads stand up for what is rightfully theirs – a land for their people to till.

In their initial undertaking, the Lumad peasants were able to occupy an estimated 150 hectare parcel which was apportioned to around a hundred families. The arrogated land is located within the boundaries of sitios Sinambalot, Bermuda and Celtics in Brgy. Monteverde, Bagumbayan, Sultan Kudarat.

Their triumph has conclusively influenced other Lumad communities to pursue with the struggle. Barely three months later, thirty-four families occupied a 45-hectare area within SII’s Dawang Coffee Plantations in sitios Tawan Dagat and Spartan in Brgy. Ned, Lake Sebu, South Cotabato.

The local Lumad and peasant organization have created various committees tasked to organize and oversee the land occupation, manage the production campaign, and supervise the education and training of the beneficiaries. An intensive education work is currently underway to equip the beneficiaries and their supporters with the necessary principles of their political struggle and the genuine agrarian reform.

Among the plans laid out by the group is putting up a farmers’ cooperative to carry out services for the beneficiaries and other peasants in the locality.

The T’boli-Manobos are optimistic that their struggle would inspire and impel other dispossessed Lumads and peasants to firmly unite and fight ceaselessly against Consunji and the state’s intensified incursions. Besides, they have definitely proven that a decisive action is very crucial in resolving their land problem.

Ka Efren Aksasato
Spokesperson, NDF-FSMR

Sulat pamahayag | 14 Nobyembre 2017

Padayong nagaabante ang aksyong masa batok sa pagmonopolyo og yuta sa DMCI sa Far South Mindanao

Ang nagakalapad nga aksyong masa batok sa pagmonopolyo og yuta sa David M. Consunji Incorporated (DMCI) nga gisugdan kaniadtong bulan sa Agosto padayong nagaabante sa Sultan Kudarat ug South Cotabato. Mokabat na og 195 ektarya ang giokupa ug ginatikad sa dul-an 140 ka mga pamilyang T’boli-Manobo nga dugay nang nangandoyng mabawi ang ilang yutang kabilin nga giilog sa dakung agalong yutaan-kumprador-agalong manggubat nga si Consunji.

Ang nabawing luna kabahin sa 10,990.00 ektaryang kayutaan sa utlanan sa South Cotabato ug Sultan Kudarat nga malinglahong naangkon ni Consunji ilalom sa programang Integrated Forest Management Agreement (IFMA) sa gubyerno. Nahisakop sab kini sa 3,000 ektaryang minahan sa karbon sa DMC-Construction Equipment and Resources Incorporated (DMC-CERI).

Miabot ang DMCI sa erya niadtong tunga-tunga sa dekada 1980 human nga napalit niini ang konsesyon sa logging nga Sarmiento Industries Incorporated. Gipadayon sa DMCI ang pag-logging hangtud namugna ang IFMA tulo ka dekada na ang milabay.

Sa dagan sa implementasyon sa IFMA, pugsanong giabog sa DMCI ang mga T’boli-Manobo gikan sa ilang kayutaan ginamit ang pribadong armadong grupo niini ug ang mersenaryong pwersa sa gubyerno. Wala midugay, gisugdan sa subsidyaryong kompanya niini nga Silvicultural Industries Incorporated (SII) ang pagpalambo sa halapad nga mga plantasyon sa kapeng Arabica ug komersyal nga mga matang sa kahoy.

Ang traynta ka tuig sa walay-puas nga pakigbisog batok sa pagpanglupig ni Consunji maoy mitudlo sa mga T’boli-Monobo sa kamahinungdanon sa pag-organisa sa ilang han-ay ug pagpanday og lig-ong panaghiusa. Taliwa sa pagpamig-ot sa DMCI ug sa estado, ang mga Lumad mibarug alang sa angayan nilang maangkon – yuta nga tikaron sa ilang katawhan.

Sa unang hugna sa ilang mapangahasong paglihok, napusisyonan sa mga mag-uumang Lumad ang 150 ektarya nga nahimutang sa magkanait nga mga sityo sa Sinambalot, Bermuda ug Celtics sa Brgy. Monteverde sakop sa munisipalidad sa Bagumbayan, Sultan Kudarat. Miabot sa usa ka gatos ka pamilya ang misalmot ug nakabenepisyo dinhi.

Ang ilang kadaugan mahukamanong nakaimpluwensya sa uban pang mga komunidad aron makig-usa sa pakigbisog. Wala maabti’g tulo ka bulan, 34 ka mga pamilya ang miokupa sa mokabat og 45 ektarya nga luna hasulod sa Dawang Coffee Plantation sa SII sa mga sityo sa Tawan Dagat ug Spartan sa Brgy. Ned, sakop sa Lake Sebu, South Cotabato.

Ang lokal nga organisasyon sa mga Lumad ug mag-uuma mimugna og lain-laing mga komite nga natahasang moorgonisa ug modumala sa pag-okupa og luna, mamuno sa kampanyang produksyon, ug modumala sa edukasyon ug pagbansay sa mga benepisyaryo. Usa ka sunson nga gimbuhatong edukasyon ang kasamtangang ginapatuman aron maarmasan ang mga benepisyaryo ug ilang mga tigsuporta sa mahinungdanong mga prinsipyo sa ilang pulitikal nga pakigbisog ug sa tinuod nga reporma sa yuta.
Lakip sa mga planong gilatid sa grupo mao ang pagtukod og kooperatiba sa mag-uuma nga moserbisyo alang sa mga benepisyaryo ug uban pang mga mag-uuma sa ilang lokalidad.

Naglaom ang mga T’boli-Manobo nga ang ilang paningkamot makapadasig sab sa ubang mga Lumad ug mag-uuma nga lig-ong maghiusa ug mobarug, ug walay-puas nga makigbisog batok sa pagpangatake ni Consunji ug sa estado. Ilaha sab napamatud-an nga labaw sa tanan labing importante ang mahukmanong paglihok aron sulbaron ang ilang suliran sa yuta.

Ka Efren Aksasato
Tigpamâbâ, NDF-FSMR