Nagisayangkat ti nadumaduma nga aktibidad dagiti balangay ti Kabataang Makabayan (KM) tapno rambakan ti maika -60 anibersaryo idi Nobyembre 30. Iti unos ti innem a dekada, intag-ay ti KM ti bandera ti nailyan a demokrasya ken inpasaknap daytoy dagiti panawagan para iti pudno a reporma iti daga, nailyan nga industriyalisasyon, kultura a syentipiko ken pangmasa, demokrasya ti umili ken dadduma pay a madagdagus a kadawatan ti umili a Pilipino.
Idiay Metro Manila, insayangkat ti KM ti oplan pinta-oplan dikit (OP-OD) kadagiti kalsada iti nailyan a sentro. Inyaramid met ti KM daytoy idiay PUP-Sta Mesa, idiay UP Baguio, UP Diliman, UP Cebu ken iti prubinsya ti Quezon iti aldaw ti panagbisita ni Ferdinand Marcos Jr iti prubinsya idi Nobyembre 29. Nagimprenta dagiti balangay ti polyeto nga inkabil da iti nadumaduma a paset ti kampus iti PUP ken UP tapno mabasa dagiti estudyante.
Nagidanon ti kablaaw iti KM ti Partido, dagiti yunit ken kumand ti NPA, ken dagiti balangay ti Pambansang Katipunan ng mga Magbubukid ken Artista at Manunulat ng Sambayanan.
