Inputok dagiti mangmangged iti South Korea iti sidong ti Korean Confederation of Trade Unions (KCTU) ti awanan taning a kabuklan a welga idi Disyembre 3, kas sungbat iti deklarasyon ti linteg militar ti presidente ti pagilyan a ni Yoon Suk-yeol. Bumilbilang iti 1.2 milyon a mangmangged ti kameng ti KCTU, ti kadakkelan a pederasyon dagiti unyon iti pagilyan.

Ti panangipataw iti linteg militar ket taktika laeng ni Yoon Suk-yeol tapno pawilan ti umili ken agtalinaed iti pwesto iti tengnga ti bumanbanesbes a krisis iti pulitika, segun iti KCTU. Inrason ni Yoon ti “panangrebbek kadagiti pwersa a maka-North Korea” ken “panangpatalinaed iti urnos a konstitusyunal” tapno ipataw daytoy. Ngem segun iti KCTU, pagrasrason laeng daytoy ni Yoon tapno paatiddogen ti panagtalinaed na iti poder gapu ta naipedegen iti pulitika. Mano a bulanen a basbasnuten ti krisis ti administrasyon ni Yoon, a sumangsango iti 22 reklamo nga impeachment, ken nayon a 10 a saan pay a naipila. Magurgura ti administrasyon na gapu kadagiti kontra-mangmangged a patakaran ken kina-paspasurot na iti imperyalismo a US.

Ituloy dagiti mangmangged ti welga da agingga a saan a bumaba iti pwesto ni Yoon.