Sa tunga sang nagabagusbos kag wala-untat nga operasyon militar sa mga binukid kag kalasangan sang Guihulngan City, Negros Oriental, nalutsan kag madinalag-on nga napatuman sang Leonardo Panaligan Command-New People’s Army (LPC-NPA) ang pagpahamtang sang silot-kamatayon sang korte sang pumuluyo kay Ronald Jacolbe, 39 anyos, sang Sityo Sumilang, Barangay Tacpao,sa nasambit nga syudad, sa alas 7:10 sang gab-i, Hunyo 22.
Si Jacolbe aktibo nga barangay tanod sang nasambit nga baryo. Tuig 2021, ginpahamtangan man siya sang rebolusyonaryong korte sang pag-edukar kag pagpa-andam.
Bilang masupog nga asset sang Armed Forces of the Philippines (AFP), wala gid nagbag-o si Jacolbe sa pagpaniktik sa hulag sang NPA kag bug-os nga rebolusyonaryong masa.
Siya man ang nagreport kag naggiya sa tropa sang 62nd IB nga nagreyd sa yunit sang NPA sa Sityo Lupo, Barangay Humay-humay, Guihulngan sadtong Mayo 1.
Upod man si Jacolbe sa nasambit nga militar nga nagpatay sa senior citizen kag hors de combat nga Pulang Hangaway nga si Tony Pahayahay, 62 anyos, sini man nga panahon; paggapos kag pagkastigo kay Tony Garde sang Sityo Lupo, sakop sang Barangay Humay-humay antes natabo ang engkwentro sa lugar sadtong Mayo 1.
Madinalag-on nga nakumpiska kay Jacolbe ang isa ka smartfone nga may mga valuable information nga nagapamatuod sang iya masupog nga tagpaniktik sang militar.
Ginapanawagan sang LPC-NPA sa tanan nga intel asset sang AFP kag PNP, mga kontra rebolusyon kag malain nga elemento ilabe na ang padayon nga nagapangatubang sang mabug – at nga kaso sa rebolusyonaryong korte sang pumuluyo nga gilayon nga magpalapit sa pinakalapit nga talatapan kag yunit sang CPP-NPA sa inyo mga lugar agud seryuso nga atubangon ang inyo mga kaso. Ang NPA, indi gid magdula-duha sa pagpatuman sang silot sandig sa kabug-aton sa kaso nga inyo nakomiter matapos ang malig-on nga desisyon sang rebolusyonaryong korte sang pumuluyo.
