Naglunsar sang lain-lain nga aktibidad ang mga tsapter sang Kabataang Makabayan (KM) agud saulogon ang ika-60 nga anibersaryo sadtong Nobyembre 30. Sa sulod sang anum ka dekada, ginwagayway sang KM ang bandera sang pungsodnon demokrasya kag ginpalapnag ang mga panawagan para sa matuod nga reporma sa duta, pungsodnon nga industriyalisasyon, kultura nga syentipiko kag pangmasa, demokrasya sang pungsod kag iban pa nga mga hinanali nga demanda sang pumuluyong Pilipino.
Sa Metro Manila, ginlunsar sang KM ang oplan pinta-oplan dikit (OP-OD) sa mga dalanon sang pungsodnon nga sentro. Ginpatigayon man ini sang KM sa PUP-Sta Mesa, sa UP Baguio, UP Diliman, UP Cebu kag sa probinsya sang Quezon sa adlaw sang pagbisita ni Ferdinand Marcos Jr sa probinsya sadtong Nobyembre 29. Nag-imprenta ang mga tsapter sang polyeto nga ginbutang sini sa lain-lain nga parte sang kampus sa PUP kag UP agud mabasa sang estudyante.
Nagpaabot sang pagpanamyaw sa KM ang Partido, mga yunit kag kumand sang BHB, kag mga tsapter sang Pambansang Katipunan ng mga Magbubukid kag Artista at Manunulat ng Sambayanan.
