Naglunsar sang pangamuyo-protesta sadtong Disyembre 14 ang mga tawong simbahan kag pamatan-on bilang pagpakig-ugyon sa mga bakwit sang Marawi City nga wala pa sa gihapon nakabalik sa ila nga syudad. Panawagan nila ang hinanali nga pagpabalik sang 5,000 ka pamilya nga bakwit nga nagahilapit na palayason sa ila temporaryo nga puluy-an sa katapusan sang tuig. Matapos na ang kontrata sa tunga sang gobyerno kag pribado nga mga tag-iya sang duta kon sa diin sila ginbutang pagkatapos gindugmok sang rehimen Duterte ang ila nga syudad sadtong 2017. Panawagan nila ang hustisya kag imbestigasyon sa sabat sang estado kag rehabilitasyon sang ila nga syudad.
Panawagan man nila ang pagkilala kag pagpasabat kadungan sang kumpensasyon sa nahitabo nga mga paglapas sa tawhanon nga kinamatarung sa panahon sang pagpanglusob kag sa proseso sang rehabilitasyon.
