Ginreport sang mga yunit sang Bagong Hukbong Bayan (BHB) sang nagligad nga mga semana ang ginlunsar sini nga mga armadong aksyon batuk sa mga yunit sang Armed Forces of the Philippines (AFP) kag mga ahente paniktik sini.
Sa Camarines Sur, ginpalukpan sang BHB-West Camarines Sur (Norben Gruta Command) sang command detonated explosive ang detatsment sang CAFGU sa Barangay Mabini, Del Gallego sadtong Oktubre 25. Ang ginpatigayon nga aksyon militar kabahin sa pagsilot sa mga kaso sang paglapas sang tawhanon nga kinamatarung sa masang mangunguma sang mga elemento sang CAFGU nga yara sa idalum sang 81st IB. Kabahin man sa pagpangapin sang BHB-Camarines Sur sa masang mangunguma ang mga aksyon pagsilot sa duha ka ahente paniktik sang AFP sadtong Agosto.
Sa Negros Occidental, apat ka manugbo nga mga armas kag isa ka laptop ang nakumpiskar halin sa ahente sa paniktik sang AFP nga si Armie Tuparan sa Barangay Carabalan, Himamaylan City sadtong Nobyermbre 14. Ginpatuman sang BHB-South Central Negros (Romeo Nanta Command) ang silot nga kamatayon kay Tuparan santo sa nangin pamatbat sa iya sang hukmanan sang banwa.
