GITAHO SA MGA yunit sa Bagong Hukbong Bayan (BHB) sa milabayng mga semana ang mga armadong aksyon batok sa mga yunit sa Armed Forces of the Philippines (AFP) ug mga ahente sa paniktik niini.
Sa Camarines Sur, gipabusikaran sa BHB-West Camarines Sur (Norben Gruta Command) og command detonated explosive ang detatsment sa CAFGU sa Barangay Mabini, Del Gallego niadtong Oktubre 25. Ang maong aksyong militar tubag sa pagpangatake ug paglapas sa mga elemento sa CAFGU nga sakop sa 81st IB sa masang mag-uuuma. Kabahin usab sa pagpanalipud sa BHB-Camarines Sur sa masang mag-uuma ang mga aksyong punitibo batok sa duha ka ahente sa paniktik sa AFP niadtong Agosto.
Sa Negros Occidental, upat ka mugbong armas ug usa ka laptop ang nakumpiska gikan sa ahente sa paniktik sa AFP nga si Armie Tuparan sa Barangay Carabalan, Himamaylan City niadtong Nobyembre 14. Gipahamtang sa BHB-South Central Negros (Romeo Nanta Command) ang silot kamatayon kang Tuparan subay sa desisyon sa hukumang bayan.
