Inreport dagiti yunit ti New People’s Army (NPA) iti napalabas nga lawas dagiti inrusuat daytoy nga armado nga aksyon maibusor kadagiti yunit ti Armed Forces of the Philippines (AFP) ken dagiti ahente ti espiya daytoy.

Iti Camarines Sur, pinabettakan ti NPA-West Camarines Sur (Norben Gruta Command) ti command detonated explosive iti detatsment ti CAFGU iti Barangay Mabini, Del Gallego idi Oktobre 25. Ti insyangkat nga aksyong militar ket paset iti panangdusa kadagiti kaso ti pananglabsing iti karbengan-tao ti masa a mannalon dagiti elemento ti CAFGU nga nakapauneg iti 81st IB. Paset daytoy ti panangisakit ti BHB-Camarines Sur ti masa a mannalon dagiti aksyon a pannusa ti dua nga ahente nga espia ti AFP idi Agosto.

Idiay Negros Occidental, uppat nga ababa nga armas ken laptop ti nasamsam manipud iti ahente ti espiya ti AFP a ni Armie Tuparan iti Barangay Carabalan, Himamaylan City idi November 14. Inyetnag ti NPA-South Central Negros (Romeo Manta Command) ti dusa a patay kenni Tuparan maiyannurot ti desisyon kenkuana ti pangukuman ti umili.