Sa tunga sang masingki nga operasyon militar sa larangan gerilya sa Central Negros antis kag durante nga adlaw sang peke nga deklarasyon sang impeyalistang Estados sa pungsod Pilipinas sang Hunyo 12, madinalag-on nga ginlunsar sang mga yunit sang Leonardo Panaligan Command-New People’s Army (LPC-NPA) upod ang lubos nga suporta sang rebolusyonaryong organisasyong masa, ang koordinado nga taktikal nga opensiba batok sa Armed Forces of the Philippines (AFP) kag mga masupog nga asset sini.
Maisog nga ginpatuman sang mga Pulang hangaway ang sunod-sunod nga mga aksyon militar sa nagkalain-lain nga porma sa sakop sang Central Negros para tagaan hustisya ang ginahimo sang mga pasistang militar sa komunidad sang mga mangunguma kaangot sa mga paglapas sa tawhanon nga kinamatarung kag mga krimen sin batoki sa malapad nga masa sang pumuluyo.
Madinalag-on nga ginharas sang yunit sang LPC/NPA ang Brgy Sikatuna Detatsment sakop sang Barangay Sikatuna banwa sang Isabela, Negros Occidental sang Hunyo 12, Biernes alas 7:50 sang gab-i. Ang Sikatuna detatsment ang responsable sa madata nga pagpamahug kag pagpanakit sa pumuluyo malapit sa nasambit nga kampo militar sa panahon nga naglunsar sang operasyon militar. Responsable man ini sa pilit nga pagpasurender sa mga sibilyan nga puguso ginapaako nga suporter sang NPA para himuon gatasan sang mga matag-as nga opisyal sang Armed Forces of the Philippines ilabe na sang 303rd Bde kag 3IDPA paagi sa E-CLIP. Ini ang nagresulta sang kamatayon sang isa ka enlisted personnel kag pagkasamad sang isa pa kag hungod naman ini gintago sa publiko agud hinabunan ang ila kahuy-anan kag kalutusan sa pagdugmok sang CPP-NPA.
Sini man nga adlaw, ala 1:30 sang hapon, madinalag-on nga ginpahamtangan sang silot nga kamatayon ang mag-asawa nga sanday Efren Moreno Jr kag asawa sini nga si Je-an Landisa lunsay legal nga pang-edaron sang sityo Cambaogon, Brgy Trinidad, Guihulngan City, Negros Oriental base sa pagpamatbat kag desisyon sang rebolusyonaryong korte sang pumuluyo sa sityo Kasya, Brgy Trinidad, Guihulngan. Ang mag-asawa lunsay mga masupog nga asset militar kag kapulisan kag konta-rebolusyon kag malain nga mga elemento sa lugar. Masupog nga nagamonitor sa hulag sang NPA kag masa. Nagpareyd sa yunit sang NPA sadtong ulihi nga bahin sa bulan sang Mayo sini nga tuig. Regular sila nga nagareport sa sityo Parkingan, Brgy Trinidad-PNP substation sakop sang Guihulngan City sa baylo sang kantidad sang kwarta.
Si Je-an may kaso sang pagpangawat sa iya mga katupad kag 3 counts of frustrated murder paagi sa pagbuno kag homicide. Samtang si Efren Moreno Jr nagapangatubang sang kaso sa rebolusyonaryong korte kaangot sa pagpangawat sa de kantidad nga butang, Kabahin man siya sa pagpangawat kag pagbaligya sang mga materyales sa eskwelahan sang Kambairan Elementary School kag nagpatay kay Dolfo Villasan sa Sityo Cabulay, Brgy Trinidad sang 2017 subongman pagpatay sang minor de edad (10 anyos nga bata) sadtong tuig 2013 sa Sityo Amomoyong, Brgy Trinidad, tanan sang Guihulngan City.
Pila ka beses na sila nga ginpaandaman sang NPA tubtob nga gindesisyunan sang pagpalayas sa lugar apang ginpundo ang desisyon kag pagpatuman sini bangud sang apelasyon sang pamilya. Sa baylo labi nga nagsupog kag nagtuga pa sang dugang nga kahalitan sa pumuluyo kag bug-os nga rebolusyonaryong kahublagan sa sakop sang larangan gerilya. Nakumpiska sa mag-asawa ang mga Identifiacation cards, kwarta kag 1 ka cellphone nga may mga valuable informations nga nagapamatuod sang ila kaangtanan sa militar kag mga kapulisan.
Si Anthony Monreal, legal nga edad, may asawa kag mga anak sang Sityo Banat-e, Barangay Macagahay banwa sang Moises Padilla, Negros Occidental. Ginpahamtangan man sang silot nga kamatayon sang sini gihapon adlaw mga alas 4:00 pasado sang hapon sa Sityo Natuling, Barangay Budlasan, Canlaon City, Negros Oriental. Si Monreal ang napamatud-an sang korte sang pumuluyo nga responsable sa paggiya sa tropa sang 62nd IB sa pagryed sa balay kag pagmasaker-patay sa mag-iloy nga sila Cristina Jacolbe (nagabusong) kag Everly Kee Jacolbe (minor de edad kag estudyante) sadtong Hulyo 26, 2022 sa sityo Banderahan, Brgy Trinidad, Guihulngan. Lakip nga ginpatay sang militar si Rodan Montero sa sini nga makasiligni nga hitabo. Napamatud-an man sang korte nga nakabaton sang kantidad sang kwarta si Anthony gikan sa militar kag nangin masupog nga asset militar sa lugar matapos ang nasambit nga hitabo.
Bisan anu pa man, indi matago sa CPP-NPA ang anuman nga kalakasan kag krimen sang pasistang militar kag mga tagpaniktik sini bangud sa wala paghubas nga suporta sang malapad nga masa sang pumuluyo ilabe na ang mga biktima. Pursigido kag padayon nga magpatuman ang NPA sang nagakaigo nga silot sa mga kriminal kag traidor sa rebolusyon kag pumuluyo para ihatag ang hustisya sa mga pamilya kag biktima.
Sa pihak nga bahin, bukas man ang mga malapit nga talatapan kag yunit sang NPA sa pagpakig-istorya sa mga natungdan nga handa kag sinsero nga magbag-o.
