NATIONAL DEMOCRATIC FRONT OF THE PHILIPPINES

Ang Bayan Ngayon » Pagsangsyon ng US sa eksperto ng UN, atake sa karapatang-tao

Malawakang kinundena ng mga grupo sa karapatang-tao sa US, gayundin ng iba’t ibang internasyunal na institusyon at ahensya, ang pagpataw ng US ng mga sangsyon o mga hakbanging panggigipit kay Francesca Albanese, ang Special Rapporteur on human rights in the Palestinian territories occupied since 1967 ng United Nations (UN). Tinawag nila itong “hindi pa napapantayang atake sa sistema ng UN para sa karapatang-tao at sa internasyunal na batas.”

Inianunsyo ang mga sangsyon noong Hulyo 9 ni Marco Rubio, Secretary of State ng US. Kinabibilangan ang mga ito ng pag-freeze sa mga ari-arian sa US ni Albanese, pagbabawal sa mga Amerikano at Amerikanong kumpanya na pumasok sa anumang pinansyal na transaksyon sa kanya, at pagbabawal sa kanya na makapasok sa US. Siya ang unang UN Special Rapporteur na pinatawan ng gayong mga sangsyon. Direktang paglabag ang mga ito sa Convention on the Privileges and Immunities of the United Nations (1946) na naggagarantiya sa ligal na proteksyon sa mga upisyal at eksperto ng UN habang ginagampanan nila ang kanilang upisyal na mga tungkulin.

Nanawagan ang mga grupo sa karapatang-tao na agad na bawiin ng US ang mga sangsyon. Anila, bahagi ang mga ito ng tuluy-tuloy na pagpapahina ng US sa internasyunal na mga mekanismo para sa pagkakamit ng hustisya. Ang atake ng gubyernong Trump kay Albanese ay paghihiganti ng US sa panawagan niyang litisin ang mga upisyal ng Israel sa International Criminal Court (ICC) at sa tuluy-tuloy niyang pagbubunyag ng mga paglabag ng Israel sa mga karapatang-tao ng mga Palestino sa Gaza.

Dagdag ng mga grupo, ginawang “hindi lehitimo” ng mga sangsyon ang naging trabaho ng daan-daang mga tagapagtanggol ng karapatang-tao sa mundo. Nanawagan din sila sa ibang mga gubyerno na “itakwil at pahinain ang epekto ng mga sangsyon at protektahan at itaguyod ang buong independensya” ng mga UN Rapporteur.

Kabilang sa grupong kumundena sa mga sangsyon ang CIVICUS, International Service for Human Rights (ISHR), Front Line Defenders, Bahrain Centre for Human Rights, at ang American Civil Liberties Union.

Source link

Tagumpay ng Demokratikong Rebolusyong Bayan ang Magwawakas sa mga Krisis ng Lipunan at Magtitiyak ng Tunay na Demokratikong Halalan

Pinoy na imigrante, nakalaya mula sa ICE detention center

Desperasyon ng 96th MICO na makakalap ng impormasyon laban sa NPA nagdulot ng takot at pangamba sa mga residente sa bayan ng Uson

Pagpapalaya sa tagapagtanggol ng karapatan ng kababaihan at bata, muling ipinanawagan

3 berdugong sundalo ng 62nd IB, napaslang ng BHB-Central Negros

Writ of Kalikasan, inilabas ng Korte Suprema kontra sa Samal Island-Davao City Bridge

Pag-aresto sa tinaguriang ‘Agusan 8,’ pagkawala ng iba nilang kasama, binatikos

ICE detains Filipino immigrants in Chicago

Mga grupong pambansa-demokratiko, nagprotesta sa embahada ng US

Pag-panig ng korte sa PrimeWater San Fernando La Union, kinundena ng mamamayan

4 na sundalo ng 4th ID, napatay sa engkwentro sa BHB

Pagkahukay ng 78th IB sa mga CDEx ng BHB sa Northern Samar, pinasinungalingan

The National Democratic Front of the Philippines (NDFP) is the revolutionary united front organization of the Filipino people fighting for national freedom and for the democratic rights of the people. The NDFP seeks to develop and coordinate all progressive classes, sectors and forces in the Filipino people’s struggle to end the rule of US imperialism and its local allies of big landlords and compradors, and attain national and social liberation.

Facebook Twitter Youtube Instagram