Sa usa ka nataran sa Masbate, importante ang papel sa mantalaang Ang Bayan (AB) sa konsolidasyon sa Hukbo ug baseng masa.
Sumala ni Ka Louie, giya sa pulitika sa usa ka yunit sa maong nataran, daku ang papel sa AB sa paghatag og pulitikanhong edukasyon sa Hukbo ug masa.
“Kabahin sa programa sa edukasyon sa among yunit ang mga discussion group (DG). Tumong sa mga DG nga bansayon ang mga kauban sa diskurso ug pagpropaganda.
Ginahisgutan sa yunit ni Ka Louie ang matag isyu sa AB, lakip ang mga isyu sa Silyab, Ang Kusog, pamahayag o polyeto ug uban pang mubo nga dokumento. “Sa yunit, kumpleto namong natun-an ang gikan 2023 hangtud karon. Ginabalik-balikan usab namo ang pipila ka karaang artikulo sa AB nga haum sa mga isyu nga giatubang sa yunit,” matud niya. Usa niini ang artikulo nga “Linyang Masa sa Gimbuhatong Rekoberi sa Leyte,” nga ilang ginatun-an ilabi na kay anaa sa sitwasyong rekoberi ang ilang erya sa operasyon.
“Dakung hagit alang kanamo ang pagpataas sa pulitikanhong kahimatngon, ilabina sa mga batan-ong bag-ong pultaym nga naumol sa Tiktok, Facebook, Mobile Legends ug uban pang impluwensya sa neoliberal nga kultura. Kinahanglan ang AB aron updated ug ipataas ang interes sa mga kauban sa paghibalo sa kasamtangang pulitikanhong sitwasyon ug hinay-hinay silang bansayon sa panginahanglang ipasabot kini sa masa,” pagpaambit niya.
Sa sitwasyong kanunay aktibo ang kaaway, mahinungdanon ang natampo sa AB sa paspas ug malihukong mga pulitikanhong pagtuon sa masa. Sumala ni Ka Louie, adunay mga higayon nga kinahanglan mahuman ang pagtuon, pagtibuok ug pagplano sa mga organisasyong masa sulod lang sa usa ka adlaw. Gawas sa istagard nga mga batakang pagtuon sa Pambansa Demokratikong Paaralan (PADEPA), nagamit sa yunit ang AB sa samang mga sitwasyon.
“Sayon ra usab isal-ot ang AB bisan og bisi ang masa sa produksyon,” matud niya.
Sumala niya, gikan sa katapusang kwarto sa 2023 hangtud karong Oktubre, nahimo ang 37 ka bats nga pagtuon sa AB, nga kadaghanan mga batan-on.
Bisan pa sa ilang lisud nga sitwasyon, padayon nga nakapangita ang mga kauban og posibleng mga paagi aron mapatigbabawang ang limitasyon sa pagpakaylap sa AB ug uban pang materyales sa propaganda.
“Sa wala pa ang pagpangdaut sa RCSP, nakaya namo nga magrepro (magpadaghan) ngadto sa liboan ka kopya, AB man kana o uban pang dokumento. Sa kasamtangang grabe nga opensiba sa kaaway dili pa kayang ibalik sa maong lebel sa kadasig ang distribusyon. Apan wala kami mihunong sa pagpaningkamot subay sa ikatugot sa kahimtang.”
Sa kahimtang nga lisud ang pag-imprenta, nahimong remedyo sa mga natarang gerilya ang pagpakaylap sa digital nga mga kopya sa AB gamit ang smartphone. “Kinahanglan makahaum sa nagkausab nga panahon, ilabina nga daghan sa masang kabatan-onan karon ang nagagamit og Android. Syempre, adunay pagsiguro sa mga protokol sa seguridad sa paggamit sa elektronikong gadgets.”
Gamit ang mga file sharing app, ginapasahan sa mga kauban ang masa og mga dokumento. “Sila na usab ang among gihangyo nga mopakaylap sa ilang mga silingan o katagibaryo,” saysay ni Ka Louie. “Dakung bonus kung makalugar ang mga napasahan nga myembro sa sanga, hatungang pwersa o organisasyong masa nga makahimo og kolektibong pagbasa.”
Sa paningkamot sa mga kauban ug masa sa usa ka nataran, nakapakaylap sila og liboan ka kopya sa AB, pareho sa printed ug digital copy gikan 2023.
Ang pagpakaylap sa AB isip mantalaan sa Partido usa ka katungdanan sa matag rebolusyonaryo. Sama sa uban pang rebolusyonaryong buluhaton, gigiyahan kini sa mga prinsipyong Marxista-Leninista-Maoista. Para ni Ka Louie, iyang gikuptan niini nga katungdanan ang diwa sa materyalismo diyalektika. “Tanang problema adunay solusyon. Kung dili gusto adunay rason, kung gusto kanunay adunay paagi,” matud niya. “Unsaon nimo pagkahibalo kung dili nimo sulayan? Sa sitwasyon sa pagrekober ug pagbangon, sa ingon niining diwa namo gisabut ug gihuptan ang MD.”
Alang kaniya, ang pagtuon ug pagpakaylap sa Ang Bayan usa ka pahinumdom sa maong batakang Marxistang prinsipyo. “Abante subay sa makaya. Payt lang!”
