Giabswelto sa mga korte sa Negros Occidental ang siyam ka aktibista nga giaresto sa mga pwersa sa estado niadtong 2019 ug 2022 sa mga kasong kriminal. Gimandoan sa korte ang mga pulis nga buhian na ang mga biktima gikan sa pipila ka tuig nga pagkapriso.
Niadtong Nobyembre 18, gibasura ang mga kasong pagpatay ug pakyas nga pagpatay batok nilang Pastor Jimie Teves, Jodito Montesino, Jaypee Romano, Jasper Aguyong, Rogen Sabanal, Eliseo Andres, ug Rodrigo Medez. Ang pito giaresto sa Himamaylan City niadtong Hunyo 2019. Giakusahan sila nga apil sa usa ka armadong engkwentro tali sa BHB ug AFP sa Kabankalan City niadtong Mayo 2018.
Niadtong Nobyembre 13, nakagawas silang Carmen Jonahville (CJ) Matarlo ug John Michael Tecson human gibasura sa korte ang mga kasong illegal possession of firearms and explosives batok kanila. Ang duha giaresto niadtong Marso 18, 2022 uban ang konsultant pangkalinaw sa National Democratic Front of the Philippines nga si Ramon Patriarca sa Barangay Suay, Himamaylan City.
